top of page
  • shivteimenashe

DIN BIRKHATH ASHER YATZAR VE ELOHEI NESHAMA-


GIDEON HAOKIP

1. Jun ahilouleh eh, thah jou tengleh, khut kisil a, thangvahna “asher yatzar” seiding ahi. Hiche thangvahna akisei tengleh, H-shem thilsiem kidang, mihem tahsa loupi tah, agontoh chungchang ho, gelding ahi. Ajehchu, mihem tahsa hi, thil tampi kisuto a kisem, tahsa sunga thil um jouse, aphat leh ahun toh kitoh a, na tong jingu, tahsa pam lang akonna phatseh a, natna hise ho, ahunglut lou nadiuva vengtup jing, hiche thilsiem kidang a, H-shem in eisep jeh uva, ama phatseh a, thangvah jingding ahi. Chu’leh, tahsa sunga neh leh chah, ineh lut ho u, ahiding banga digestion che lha a, apha lou ho jouse, tahsa sunga konna, ahin notdoh kitna, natna dammo veiset akonna, ei venbit kit uva, hiche simsen lou thil kidang chunga hi, H-shem in mihem chunga vai ahompoi tia lunggel nei, H-shem tahsan na neilou (koferim) ho lunggel, akhil nao vetsahna dinga, H-shem masanga, aphatseha, kipathu seijing ding ahi. Chukitleh, H-shem in mihem tahsa, asepna chung changa, thil kidang khat kitchu, tahsa thil (itahsa u) leh lhagao thil (ilhagao u), tahsa khatna, akoikhom chu ahi.

2. Abul langa, inasei tauvin, jun ahilouleh eh thahjouva, khutsil nadinga, khon angai pon, twi (water) pipe akonna kisil jeng thei ahi. Aipi chu hileh, khut teni chu, thum vei cheh, sop gotding ahi. Koi hileh, jun ahilouleh thah jouva, khutsil nadinga khon manding, ngai hih jongleh, khon mangcha a, khut kisil a chun, vangbohna (brakha) akimu ding ahi.

3. Ansei keneseth ha-gedolah ten, jun ahilouleh eh thah jouva thangvahna “asher yatzar” seidinga, agon uhi, numei ten jong, ajui u ngai ahi. Hijeh a chu, chapang neo jouse, jun ahilouleh eh, athah jou teng uleh, khutsil ding daan leh, thangvahna “asher yatzar” seiding daan, hilding ngai ahi uve. Hiche thangvahna hi, aphat seh tabanga, ki ngaicha jing ahi jeh a, numei hon jong, mu louva, aseithei nading uva, ahet got u, ngai ahi. Hiche hin, thil lentah sep phatna (tikun) ahin pohlut thei ahi. Mijousen, hiche thangvahna hi, ipi kisei na ham ti beh, ahet nadiu va, athu cheng ho, akoudohna (meaning) beh, ahet gotdingu ngai ahi.

4. Jun ahilouleh eh thajou khat chun, jun leh eh thah jouva thangvahna “asher yatzar” seiding, aheimil khah a ahileh, apam pot chai apatna minute 72 sunga ageldoh a ahileh, aseithei nahlai ahi, ahin, hiche phat jou nunga, thangvahna aseilou, ahin geldoh a ahileh, aseithei tah louding ahi. Chuleh, jun ahilouleh eh thajou khat in, apam pot chai apatna minute 72 valjou nunga, thangvahna “asher yatzar” asei ijah a ahileh, “amen” tia donbut louding ahi. Chukitleh, Jun ahilouleh eh thajou khat chun, hiche minute 72 sunga, thangvahna “asher yatzar” asei masanga, aga pampot nom kitna leh, thangvahna “asher yatzar” chu, apam pot jou teng lebou, aseiding, apampot masanga seidoh ding, agot louding ahi.

5. Jun ahilouleh eh, thajou khat chun, thangvahna “asher yatzar” chu apetna asei dinga leh, japi a taona (tefilah be-tzibur) manding achan thei ding, taona kichai jouva asei dinga leh, heimil khah ding ginmona ahin neithei ding, hiche dinmun a hi, apetna, thangvahna “asher yatzar” joh chu aseiya, japi toh kitoh a, taona (Amidah) amankhom thei nadinga, vahchoila (tehelim) ho chopkan ding hijongleh, achopkan ngai ahi. Ahin, taona kichai jou tengleh, thangvahna “asher yatzar” aseiding chu, ahin heimil lou nadinga melchihna abolthei ding, chuleh minute 72 jong, apel’man louding, ahi aleh, meichihna joh asepma, taona chu chopkan um louva, abonna asimding, thangvahna “asher yatzar” chu, taona kichai jou tengleh, aseiding ahi. Chuma banga, mikhat chun arvith a barekhu a “barukh H-shem hamevorakh leolam vaed” tia adonbut jou nunga, aga pampot a ahileh, thangvahna “asher yatzar” chu, arvith taona aman jouteng lebou, aseiding ahi. Ahin, hiche dinmun a jong, arvith taona aman jouteng leh, thangvahna “asher yatzar” asei ding chu, ahin heimil khah ding, ginmona anei a ahileh, keriath shema thangvahna masapa “ Barukh ….asher bidvaro…” apat masanga, thangvahna “asher yatzar” joh chu, aseidoh ding ahi.

6. Thangvahna “asher yatzar” a, chondan khankhat in “e ef’shar” tin asei uvin, chondan khankhat kit in “ i ef’shar” tin asei uvin ahi. “e efsha” tia chondan na seihon jong, kingap nading anei uvin, chuleh, “i efshar tia chondan na seihon jong, kingap nading anei un ahi.

7. Eihon chondanna, “asher yatzar” thangvahna a, thucheng “ afi’lu sha’ah ekhath” tin akiseiyin in ahi. Hiche thucheng akibelap na ajeh chu ahileh, mihem tahsa sunga, tibah ahom (hole) um ho, ahung bing (close) khah ajong leh, mihem pa chu ahinkho amoh bei ji pon, ahin, phat ijat ham khat ahung pel tengleh vang, abing pa chu anung kihon kit louva leh, mihem pa chu phat chomcha jong ngah be theilouva, ahinkho bei pei ding ahi. Chukitleh, tahsa tibah ijat hamkhat na, ahom ho ahung bingkhah ham, ahilouleh, abing (close) ho ahung hom khah aleh, mihem khat chu, ahinkho bei peiding dinmunna um ahi. Hiche eihon, chondanna “sha’ah ekhath” tia isei u chu, khel got louding ahi. Khankhat in chondanna “sha’ah akhad” tin asei uvin ahi.

8. Chukitleh eihon, chondanna “ro’fe kol basar umaf’li laasoth” tin isei uvin, hichu Gemara, Rambam (Rabi moshe ben maimon) leh Rif (Rabi yitzkhak alfasi) sei dung jui ahi. Khankhat in chondan na, “ro’fe kholi kol basar” tin asei un, ahin eihon ichondan dung jui uva isei pa uchu, khel got louding ahi. r

35 views0 comments

Recent Posts

See All

Comentários

Avaliado com 0 de 5 estrelas.
Ainda sem avaliações

Adicione uma avaliação
bottom of page