top of page
  • shivteimenashe

Hilkhot Rosh Hashana 2022



Gideon Haokip

H-shem in damtheina eipeh uva leh, ahunglhung ding sunday nilhah (leil sheni) tengleh roshhashana kut ihin iman dingu ahi in, a kut chung chang leh, a kut sunga kimanchah ding daan leh moul neokhat, gah sei u hite. Hoilai mun, yisrael gam hihen gampam hileh, Rosh Hashana kut hi nini akimang in, hichu tukum adinga, monday leh tuesday, nikho teni hung hiding ahi. Rosh Hashana kut hi, yom terua (sumkon gin ngei nikho) tin jong akiminvo in, chuleh thutan nikho (yom hadin) tin jong akihe in ahi. Gemara Rosh Hashana in aseina a, hiche nikho a hi, hshem in athilsem jouse, mihem hihen, gancha hihen, vannoi chung hileh, aboncha chunga thu atan nikho ahi, tin aseiye. Thutan nikho ahijeh a, anikho chu kut hijongleh, h-shem vahchoina la (halel) akisimpon, hijeng jongleh langkhat kitna, anikho teni chu kut ahi kit jeh a, kipahtah leh thanom tah in, akimang kit in ahi. Khazal (miching mithiem) hon asei nauva, hiche kut hi, kum a dinga alu boh (head/rosh) ahijeh a, hiche nikho a thil kibol jouse hi, kum lhung in akijom nom e, tin asei uvin, hijeh achu ahithei channa, hiche nikho thieng teni hi, thieng thou tah a, nit got ding, insung hihen hoilai hileh, kipahtah a um got na, lung hanna, lung nopmona tiho akuona ahithei channa, kivendoh guot ding ahi. Chuleh hiche nikho thieng teni hi, mantheilou thu, ahilouleh lashon hara thuho seina a, ahithei channa manguot louding, a kut nikho thieng chu ahiding banga, kipahtah leh thanom tah a man guot ding ahi. Kut nikho thieng teni sunga kiman chah ding daan, neokhat gah veu hite.

1. Kut thaomei: numei hon, khut thaomei ajaan masa leh ajaan nina a, avah dingu ngai ahi, hijeh a chu insunga minu ten, yom rishon (sunday) nileh, khut thaomei kiguon tupna anei teng uleh, ajaan nina a kut thaomei adet dingu jong, kiguon dohsa a akoidoh dingu ngai ahi. Thaomei det masang leh, kut nikho a aan hon thei nadinga mei “ner neshama” a kut sungse a vah jouding, adet masat dingu, chujou tengleh, kut thaomei thangvahna “lehadlik ner shel yom tov” asei uva, kut thaomei chu adet dingu ahi. Thangvahna “shehekheyanu” vang, aseilou dingu, a kut kidush sunga “sehekheyanu” thangvahna kisei akonna joh, kihuhdoh got dingu ahi. Kut ni masa a abol tabang uva, kut jaan nina teng jongleh hitia chu abol dingu ahi.

2. Sofar: Rosh Hashana nikho a Sofar gin ngai ding hi, torah akonna bolding thupieh (positive commandment) ahi. Daan dung juiya, numei hon Sofar gin angai dingu tei tei ahipon, hijeng jongleh, beith kneset a ahung uva Sofar gin ahung ngai thei uva leh, thil hoitah ahi in, kipaman jong amudiu ahi. Ahin, Sofar gin ngai dinga ahung uva, chapang neo ho ahin pui uva, midang asuhboi dingu ahilevang, ahung da uva inn a achate ho akivet tup dingu joh chu, thilpha ahi.

3. Sofar gin ngai na a hetdinga poimo ho: (a) Sofar kimut gin ngai masanga, gelding a poimo khat chu, torah akuon a kisei Sofar gin ngai ding thupeh (mitzvah) kasuh bulhit ahi, tia gelding chu ahi. (b) thangvahna “lishmoa kol Sofar” chu amut ding pan, mipi jouse a ding tokopma kasei ahi, tia agel ding ahi. (c) Sofar muding pan thangvahna ahinsei tengleh, mipi hon “barukh hu ubarukh shemo” tia adonbut loudingu ahi. (d) Sofar mutding pan, amut ding tengleh, ama ading leh mipi jouse a dinga kamut ahi tia agel ding, mipi angai hon jong, amaho ding tokopma, amut tha ahi tia, agel dingu ahi. (e) Sofar hi, akut nimasa keu hilouva, akut nini ajong, akimut in ahi. Ani masa ni leh amutding pan, thangvahna “sehekheyanu” aseiyin, ajing levang Sofar mutna dinga thangvahna “shehekheyanu” asei tapon ahi. (f) Sofar gin ingai tengleh, achaina channa thipchet a na umding, ahithei chan na khut (cough) jong bol gotlouding, chuleh hao (yawn) jong, bolgot louding ahi.

4. Taslikh: Rosh Hashana animasa ni, minkha jouleh twikhanglien pang, vadung pang, ahilouleh twikai pang a, “tashlikh” akibol jin ahi. Ani masa a akibol louva leh, anini nileh bolding ahi. Numei ho vang, “tashlikh” a achie dingu angaipoi.

5. Kiguotna: chunga iseima bang uva, hetding chu Rosh Hashana kut alut masang leh “ner neshama” (kut nikho a ann huon thei nadinga mei lahna ding) det ding ahi. Kut nikho tengleh (tukum tabanga shabath toh kituo lou) an huonding phal ahi. Rosh Hashana kut jaan masa teng leh, a kut jing jingkah a dinga, ann ho hondoh ding phal ahi, hiche va hin boina ima aumpoi. Hinlah Rosh Hashana kut ni masa potdoh ma sang (tichu nilhah lang) a vang, akut jaan nina a, ann neh ding ho, hon doh ding phallou ahi. Hijeh achu, kut jaan nina aan dingho chu, minu te in ahsi thum ahung so (tukum adinga 6:50 pm) tengleh, “barukh hamavdil bein kodesh lekhol” tia asei uva, “ner neshama” akonna mei alah uva, kut adinga aan ho chu ana hon pat thei u ahitai. Rosh Hashana kut ni masa apatna akut nini adinga kiguon phallou kiti hi, ann hon chung chang keu hilouva, akut jaan nina meivah jong ahithei aleh ahoipenna, jaan (tichu ahsi thum sodoh) jou teng lebou, detding ahi. Ahilouva jongleh, houin kaiya a che ho, inn ahung lhun tengu jongleh, kut thaomei chu det thei ahi. Hijeng jongleh mikhat chun ani masa, nisa lhum jou(kho jin masang) a kut thaomei ajaan nina adinga, adetdoh nom aleh, adet ding phal ahi, hiche va hin, kut nimasa apatna akut nini a dinga, kiguon phallou ti, ima boina aum poi.

6. Havdalah: kut havdalah chu yain (gefen) bouva manding (namtui le meivah vang pang louding) ahi.

Rosh Hashana jaan kidush leh seder boldan

• Rosh hashana hi nini(2) akimang in, ani masa jaan kidush leh selder boldan toh, anini(2) ni, jaan kidush leh seder boldan akibang in chuleh thangvahna shehekheyanu jong ajaan masa keu hilouva, ajaan nina(2) ajong akiseiyin ahi. Jaan kidush chu din puma kidush bolding pan, lengpi ju chu adopma mipi hoptha dinga, thangvahna ho asei ding, mipi angai hon jong, phate cha a thangvahna kisei ho chu, angai uva,amaho ding tokop a, abolpan asei tha ahi tia, agel cheh dingu ahi.

• Rosh Hashana seder a vetsahna(symbolic) thil kimang ho chu lusoga(tamar), selek na(ana neopa), louthul(karti), maisan(kara), beloi(rubia), kolbuthei alhum(rimon matok), kel lu ahilouleh nga lu(rosh keves orosh dag ), chuleh apple khoiju ahilouleh chini a kide(tapuakh be devash) ahiuve.

Kidush bolding pan, lengpi ju chu adopma, dinpuma anoiya thangvahna hohi aseiding ahi.

Lamkaipu: Uveyom simkhatkhem uvmoadeikhem uvrashei khodsheikhem utkaatem bakhatzotzeroth al olotheikhem veal zivkhei shalmeikhem, vehayu lakhem lezikaron lifnei elo-heikhem, ani ado-nai elo-heikhem. Adanghon: amen.

Lamkaipu: Savrei maranan. Adanghon: Lekhayim.

Lamkaipu: Barukh atah ado-nai, elo-heinu melekh haolam, bore peri hagefen: Amen.

Lamkaipu: Barukh atah ado-nai, elo-heinu melekh haolam, asher bakhar banu mikol-am, veromemanu mikol-lashon, vekideshanu bemitzvothav, vatiten-lanu ado-nai elo-heinu beahavah, eth-yom hazikaron hazeh, eth yom-tov mikra kodesh hazeh, yom teruah, beahavah mikra kodesh, zekher litziath mitzrayim. Udvarekha malkenu emeth vekayam laad. Barukh atah ado-nai, melekh al kol-haaretz, mekadesh yisrael veyom hazikaron: adanghon: amen.

Lamkaipu: Barukh atah ado-nai, elo-heinu melekh haolam, shehekheyanu vekiyemanu vehigianu lazeman hazeh: adanghon: amen.

• (chujou teng chuleh, tou puma kidush bolpan, lengpi ju chu ahoi pena reviit khat, khatvei dona adon ngai ahi. Hijeng jongleh, reviit keh sanga tamjo (rov reviit), adondoh ajongleh hithei ahi. Chujouleh, chate vang bohna, hilai muna, bol ding ahi.)

Pasal a: Yesimekha elo-him (min) keefraim vekimenashe:

Numei a: Yesmekh elo-him (min) kesarah, rivkah, rakhel ve leah:

Yevarekhekha ado-nai veyishmerekha: yaer ado-nai panav eleikha vikhuneka: yisa ado-nai panav eleikha, veyasem lekha shalom: vesamu eth-shemi al-bene yisrael, vaani avarekhem:

• Mijousen changlhah (lekhem) neh nadinga khut silsoh keiding, kazait(27grm) jat bou nehding hon thangvahna al-netilath yadaim seilouva khut akisil dingu, kabeitza(54grm) jat nehding hon, khut akisil uva, pona akhut u atheh masang uva thangvahna al-netilath yadaim asei dingu ahi. Lamkaipu chun changlhah teni chu adopma anoiya thangvahna hi aseiding, mipi jouse in jong hoitah a thangvahna kisei chu angai dingu ahi.

Lamkaipu: barukh atah ado-nai, elo-heinu melekh haolam, hamotzi lekhem, min- haaretz: adanghon: amen.

• Chujouteng chuleh, mijousen alhom pena, changlhah kazayith(27grm) jat beh aneh ngai u, ahoipenna kabeitza(54grm) jat aneh thei uva leh, aneh gotdingu, chujou teng chuleh a kut seder patding ahi. Hiche seder a thil kimang hohi, vetsahna(symbolic) ahi in, mikhat in adang jouse hoptha ding puma abolthei, ahilouva leh, amitakip in achang cheha akibola jong leh hithei ahi.

Seder bolding dan

Lusu ga (tamar): Lusi ga chu laha, thangvahna “bore peri haetz” seiya neokhat nehding, chujouteng chuleh luso ga chu ikhuta choiya thil thumna hi seiding ahi:

“Yehi ratzon milefaneikha ado-nai elo-heinu velohei avotheinu, sheyitamu oyeveinu vesoneeinu vekhol-mevakshei raathenu.”

Selek na (ana neopa): selek ana chu laha hitia, seiding ahi:

“Yehi ratzon milefaneikha ado-nai elo-heinu velohei avotheinu, sheyistaleku oyeveinu vesoneeinu vekhol-mevakshei raathenu.”

Louthul (karti): louthul chu laha hitia, seiding ahi:

“yehi ratzon milefaneikha ado-nai elo-heinu velohei avotheinu, sheyikarethu oyeveinu vesoneeinu vekhol-mevakshei raathenu.”

Maisan (kara): maisan chu laha hitia seiding ahi:

“Yehi ratzon milefaneikha ado-nai elo-heinu velohei avotheinu, shetikra roa gezar dinenu, veyikareu lefaneikha zekhuyotheinu.”

Beloi (rubia): beloi chu laha hitia, seiding ahi:

“Yehi ratzon milefaneikha ado-nai elo-heinu velohei avotheinu, sheyirbu zekhuyotheinu uthlabevenu.”

Kolbuthei alhum (rimon matok): kolbuthei alhum chu laha hitia, seiding ahi:

“Yehi ratzon milefaneikha ado-nai elo-heinu velohei avotheinu, sheniheyeh meleim mitzvoth karimon.”

Kel lu ahilou leh nga lu (rosh keves orosh dag): ngalu chu laha hitia, seiding ahi:

“Yehi ratzon milefaneikha ado-nai elo-heinu velohei avotheinu, sheniheyeh lerosh velo lezanav.”

Apple khoiju a kide (tapuakh be devash): apple chu khoiju a de a hitia, seiding ahi:

“Yehi ratzon milefaneikha ado-nai elo-heinu velohei avotheinu, shetithkhadesh aleinu shanah tovah umetukah.


•Birkhat hamazon teng yaaleh veyavo belap ding ahi.

Rosh Hashana kut jingkah kidush boldan

• Lamkaipu in lengpi ju chu adopma, toupuma, mipi hoptha dinga thangvahna aseiding, mipi honjong, phate cha a, angai deu hi.

Lamkaipu: uveyom simkhatkhem uvmoadeikhem uvrashei khodsheikhem utkaatem bakhatzotzeroth al olotheikhem veal zivkhei shalmeikhem, vehayu lakhem lezikaron lifnei elo-heikhem, ani ado-nai elo-heikhem.

Lamkaipu: Savrei maranan. Adanghon: Lekhayim.

Lamkaipu: Barukh atah ado-nai, elo-heinu melekh haolam, bore peri hagefen: adanghon: amen.

•(chujou teng chuleh, tou puma kidush bolpan, lengpi ju chu ahoi pena reviit khat, khatvei dona adon ngai ahi. Hijeng jongleh, reviit keh sanga tamjo (rov reviit), adondoh ajongleh hithei ahi. Mijousen, changlhah(lekhem) neh nadinga khut silsoh keiding, kazait(27grm) jat bou nehding hon thangvahna al-netilath yadaim seilouva khut akisil dingu, kabeitza(54grm) jat nehding hon, khut akisil uva, pona akhut u atheh masang uva thangvahna al-netilath yadaim asei dingu ahi. Lamkaipu chun changlhah teni chu adopma anoiya thangvahna hi aseiding, mipi jouse in jong hoitah a thangvahna kisei chu angai dingu ahi.

Lamkaipu: Barukh atah ado-nai, elo-heinu melekh haolam, hamotzi lekhem, min- haaretz: adanghon: amen.

• (chujouteng chuleh mijousen alhom penna changlhah kazait(27grm) jat beh aneh ngai u chuleh birkhat hamazon teng yaaleh veyavo abelap dingu ahi.)

“mijouse shabath shalom, shana tovah veh khatima tova”

23 views0 comments

Recent Posts

See All

Comments

Rated 0 out of 5 stars.
No ratings yet

Add a rating
bottom of page