top of page
  • shivteimenashe

Hilkhot Tisha B'Av 2022


GIDEON HAOKIP


Tukum, houin thieng (Beith Hamikdash) akitundoh louva leh, ahung lhung ding, Motzei shabath (Sunday Yom Rishon) leh, Tisha B’Av ann ngol umding ahi in, kimanchah ding daan neokhat, gah veu hite. Gemara a akimu dung juiya, hiche nikho a hi, thil gimnei ijat hamkhat, ana lhung ahi. (a) Houin thieng amasa pen leh anina, kisuhsiet nikho, (b) ipu ipa teu, gamthip (midbar) a ana umho, agamlut loudinga, H-shem in, thu atan lhah nikho, (c) Beitar khopi lentah, ana kisuset nikho, hiche a hi, juda tampi asang asanga, gentile te khutna, ahinkho u, ana chan nikho u, chuleh, (d) Turnos-rupos mipha loupa in, houin theng leh akimvel ho, lou (field) a ana khui nikho, ahi. Hetding chu, Khazal hon asei naovah, Koi hileh, houin thieng kisuh sietna chung changa, pul douva chun, akitundoh niteng leh, kipa na amuding ahi, atiuve. Hijeh’a chu, hiche nikho teng leh, kipana thei thil ho, bolgot louding chuleh, nuina thei thu ho jong, seigot lou ding ahi. Kimanchah ding daan anoiya hi ahi.

1. Seudah Hamafseket: Tukum Erev Tisha B’Av hi, Shabath ahijeh a, shabath ann neh athum na (Seudat shlishi) chu, Seudat hamafseket hiding ahitai. Hijeh achu, seudat hamafseket tengleh, kumdang seudat hamafseket tabang hilouva, saa (meat), nga (fish), yayin (grape wine) hihen, ipi dang hileh, abonna neh leh don, phal ahi. Hijeng jongleh, hetding chu, nisa lhum masanga, chei gotding, hichu tukum a, pung 7:30 pm vel ahi. Hiche seudat hamafseket ann neh hi, shabath ni ahijeh a, tuol a tou pum a nehding, angaipon, nidanga ineh bang’a, dokhan (shulkhan) chunga, nehding ahi.

2. Savun kengchot le Shabath von: Tisha B’Av ni leh, savun a kisem kengchot bu dingleh, shabath von a, kivonding phallou ahi. Hijeh achu, Arvith a tao dinga, ihung ding tengleh, i shabath von chu, nidanga inakivon sa, von dang khatna kikhel a, kengchot jong, savun a kisem hilou, kibu a, beth keneseth lam, hinjot ding ahi. Ahin hiche jouse hi, shabath apotdoh jou teng lebou, bolgot ding, hichu tukum adinga, jaan pung 8:05 pm, vel ahi in, shabath potdoh masanga, akibol khah a ahileh, shabath akonna, nidang (yom-khol) adinga kiginna (preparation) aum theiyin, hichu bol phallou ahi. Mikhat chun, Tisha b'av nikho a kivonding, nidanga kivonsa, vondang anei louva leh, shabath ni leh, von thengkhat alah a, aimut piding, ahin, Tisha b Av ni a kivon dinga, von kakigon tup ahi, tia vang agel got louding ahi. Mijousen avon u, akhel man thei nadiu va, hiche ni jaan tengleh, arvith gei diu in, akitao jin ahi.

3. Havdalah: Motzei shabath leh, Havdalah aumpon, thaomei thangvahna “Bore meorei haesh” bou akiseiyin, hichu beth-keneseth muna, khazan pa ham in, arvith taona (Amidah) kichai jouva, megilah "eikha (lamentation)" akisim ding kon leh, mipi hoptha dinga aseiding, mipi honjong, thangvahna kisei chu, amaho ding takopma, kiseitha ahi tia, agel uva, kihuhdoh dingu ahi. Koi tabang, beith keneseth a hunglou aum aleh, in munna, hiche thaomei thangvahna "bore meorei haesh" hi, akisei dingu, thaomei adet masang uleh, "Barukh hamavdil bein kodesh le khol" tia, aseidingu ahi. Shabath Havdalah chu, ann-ngol kichai tengleh, Yain (grape wine) bouva, bolding, namtui (besamim) vang, jaolou ding ahi. Tisha B Av nikho a ann nethei ding ho chu (a) Adamlou ho (Thina thei dinmun hi hih jongleh) (b) Tehse atha lhasam ho, doctor ten ann angol aleh atahsa u, asuh khahthei tia, aseiho (c) Naonei, anaonei apat ni 30 sung (d) chapang pasal kum 13 noilam leh numei kum 12 noilam ho, ahiuve. Tisha B’av nikho a, ann nethei dinga kisei ho hin, Motzei shabath tengleh, Havdalah, mitz anavim (wine hilou) leh thaomei mangcha a, akibol dingu ngai ahi. Numei, nao noitwi chep sah ho ahilevang, ajothei chan uva, aan angol dingu, ahin, aan aneh nom tan teng uleh vang, havdalah, akibol uva, aan aneh theiyu ahi.

4. Tisha B’Av nikho a bolphal lou ho: (a) neh le don (b) Tahsa sop (c) tahsa thao nu (d) Savun kengkoh bu chuleh (e) Nupa umkhom. Nupa kikah ahi aleh, ajinu chu nidah ahilou pet hijongleh, lupna khatna lupkhom ding, phallou ahi. Hijeng jongleh, thil kipeh to ding, chung chang ahi aleh vang, ima aboi poi.

Tisha B'Av ni a, tahsa sop phallou kiti chu, nopsahna adinga tahsa sop, kiseina ahibouve. Ahin, tahsa nopsahna ding, ahilouva leh vang, phal ahi. Tekahna a, mikhat chun, thil anen, anamse ahilouleh kidah thei thil khat, akhoikhah’a ahileh, akhut akisop theng ding, phal ahi.

5. Jingkah khutsil: Jingkah khutsil ahi aleh, ikhut jung chanbou sil ding, chujouleh, thangvahna “al netilath yadayim” seiya, kitheh got ding ahi. Mai phet vang, bollou ding, ahin, mitche aumkha a ahileh, twi mangcha’a, kisuh theng ding, phal ahi. Birkhat hashakhar thangvahna chungchang ahi aleh, angeiya nidang banga, abon in, akiseiyin ahi.

6. Tzitzit leh Tefilin: Khankhat in, tisha b'av jingkah taona (shakharith) tengleh, tzitzit sil leh tefillin vei, abolji pouvin, ahin, eihon Jerushalem chondan dung juiya, nidanga tabanga, shakharith teng jongleh, Tzitzith sil leh Tefilin vei, akiboljin ahi. Ahin chih thei ngai chu, tzitzith sil leh, tefilin vei, bollou beith keneseth a, itao dinga leh, inn munna, tzitzith leh tefilin mitzvah kiboldoh a, keriath shema kiseiya, chujouleh, houin jot a, ikikhop nate umdan banga, um ding ahi.

7. Taona: Arvith leh shakharith tengleh, tuol lhang a, akitoujin, touna ahilouleh lukhap, chunga itou dinga leh, tuh khat lhing louva, sa (below tefakh) a, touthei ahi. Tehse athah lhasam ho ading’a, touna tuh 3 lhinglouva sa, (below 3 tefakh) a, touthei ahiuve. Taona ahi aleh, nidang (yom khol) taona tobang, hiding, ahin, Amidah tengleh, “anenu” leh “Boneh yerushalayim” thangvahna a “Nakhem” akibelap in ahi.

(H-shem lungdeilam hung hita henlang, tukum ngeiyin, Mesiakh eihin solpeh u henlang, a Houin theng, eitun doh peh tauhen, Amen.)

21 views0 comments

Recent Posts

See All

Kommentare

Mit 0 von 5 Sternen bewertet.
Noch keine Ratings

Rating hinzufügen
bottom of page