top of page
  • shivteimenashe

PARASHAT KORAKH (MIZO) By Rav Gurion Sela


SUANGTUAHNA CHAK

Suangtuahna hi a chakin thil a ti thei hle mai a, chuvang chuan Thupek sawm (the ten commandments) hawnna leh thupek hmasa ber pawh suangtuahna ṭhalo (suangtuahna ringawt ah pawh pathian dang a awm tih rinna) nei lo tur a thupek hmuh ani a. Tin, a tawpna leh a kharna pawh suangtuahna nen a inkungkaih chungchang thupek tho ani. Suangtuahna hmangin kan nungin he khawvel ah kan khawsa a. Miin duhna leh beiseina a neilovin, suangtuahna a nei lo anih chuan a nun in awmzia a nei lo tihna ani. Amaherawh chu kan suangtuahna ti hlawhtling tur leh, kan duh leh kan tum neihna tur a kawng kan zawh erawh a in chen vek lovin a thuhmun hauh lova. Tin, kan beisei tih hlawhtlin nan chuan engkim thiangta a ngai te he khawvel mite zingah hmuh tur an awm laiin, ṭhenkhat erawh chuan dikna hmang lo chuan an duh leh tum neih an tum lovin, dikna tello chuan an duhber pawh nisela chan hial duhna neiin, chutiang khawp chuan thil ṭha leh dikna an ngai pawimawh in an dah chungnung thung a. Judaism sakhua zirtirna ah chuan kan thil tum a ṭhat rual in a kawng pawh a ṭha in a dik tur ani tih hi a ni a, eng ang a thil ṭha pawh nisela a neihna tur a kawng a ṭhat loh leh a dik loh chuan chutiang thil lak ata chu inthiarfihlimna neih a duhawm ber ani. Torah ah hmeichhia pawimawh tak pahnih, thil tum ṭha leh chungchuang em em nei, an thil tih chu Pathian hming (Le'shem Shamayim) a ti kan hmu a, nimahsela an tawpna erawh inthlau leh danglam tak kan hmu a. Tamar-i leh Photifer-a nupui chuan an mahni chithlah aṭangin mi ropui, Israel fate tlan tu tur a la rawn piang dawn tih hriattirna an dawng a. Chumi tur chuan theihtawp an chhuah a. Tamar-i leh Photifer a nupui te hian thil tum ropui tak an nei dun a, Pathian hming in thil tiin, Israel fate tlan tu tur chu an chitlah aṭang ngei a alo chhuah theihna tur chuan Pathian hmingin thil an ti a. Nimahsela an tawpna erawh chu khaikhin theih loh leh teh theih ani lo ani. Enge Tamar -i leh Photifer- a nupui danglamna ?. Tamar-i chuan a thil tum leh duh chu a neih theihna tur chuan Pathian ah a in nghat a, chu a thil duh neihna tur chuan thil thianglo leh ṭha lo a ti duh lova. A mah aṭang in Israel fate tlan tu tur alo piang tur a hriattirna pawh chu diklo tak a neih ai chuan chan a pawi ti lova, chuvang chuan a puzawn Yehuda pawh zak leh mualpho a siam ai chuan a nun hial chan pawh a thlang zawk ani. Photifer-a nupui vethung chuan a duhzawng neih nan engkim a huam a, a neih theihna tur chuan thil thianglo leh diklo tih a pawisa lova. Nimahsela chuti chung pawh a a thil duh a neih theih loh tak ah chuan midang harsatna leh hrehawm siam sak a, thil ṭha lo tak tih pawi tihna reng a nei lova. Chuvang chuan Josefa kum 10 chhung ngawt Jail bang zut a awm tir pawh a hreh hauh lo ani. Suangtuahna chaktak mai hi a thalo leh diklo zawng in kan hmang anih chuan boralna min thlentu ani thei a, chutih rual rual chuan a dik zawng leh ṭha zawngin kan hmang anih chuan chhandamna leh malsawmna min thlen tu ani thei bawk ani. Kan Parasha ah Korakh-a pawhin a chithlah aṭangin mi ropui lo piang tur a hmuh avangin thil thalo leh dikloh tak a tih phah a, chumi chu a tan a boralna thlen tu ah a lo chang ta ani. Chuvang chuan thil ṭha duh mah ila chu thil neihna tur chuan a kawng pawh a ṭha in a dik tur ani a, thil felhlel leh diklo tak hmangin Pathian rawngbawlna ṭha leh famkim a thleng thei lo ani. תקציר: כוח הדמיון מטרה לא מקדשת את האמצעי סופו של מעשה שלא לשם שמיים גם מעשה לשם שמיים יכול להביא לידי כיליון




111 views0 comments

Recent Posts

See All

Comments

Rated 0 out of 5 stars.
No ratings yet

Add a rating
bottom of page