Gideon Haokip
LEVAREKH ASHER YATZAR KOL HAYOM AKHER NETILATH MAYIM :
PHATSEH A JUNTHAH JOU SIHLEH ASHER YATZAR THANGVAHNA SEIDING DAAN
YALKUT-YOSEF, SHULKHAN ARUKH, SIMAN (chapter) :7
1. Jun leh eh thah khat chun, nilhum keiya itih phat hileh, athah jou sehleh, thangvahna "asher yatzar" asei ngai ahi. Ahin, khutsil na a vang, thangvahna "al netilath yadayim" asei louding ahi.
2. Jun thah chung chang a, thangvahna "asher yatzar" seithei nadinga, ijun thahdoh ajat ngai ti, ima aum pon, mal khat bou ithah doh ajong leh, thangvahna "asher yatzar" sei ngai ahi. Ajehchu, jun mal khat mei mei hijongleh, mikhat chun athah doh thei louva leh, ama adinga thil hahsa hiding ahi in, hijeh achu, H-shem koma kiphathu seina anei ngai ahi. Ahin, khankhat in asei danna, hiche jun mal khat bou ithah doh ajongleh, thangvahna "asher yatzar" sei ngai ahi kiti chu, jun thah ding lunggel i'nei a, ijun soh hih jongleh, ithah doh aleh bou tina ahi in, hinlah, jun aso, asolou vetlhah nadinga, ithah doh khah alevang, jun thah jou thangvahna "asher yatzar" akisei poi, atiuve. Halakha ahi aleh, akikhih na ima aum pon, ipi dinmun hileh, mikhat chun jun mal khat bou, athah doh ajongleh, thangvahna "asher yatzar" asei ngai ahi.
3. Mikhat chun, eh thah hah satna aneiya, doctor ten, a eh athah nom nadinga, eh kho lou (medicine) apeh uva, amapa in jong aneh a, hiche aneh chun, a eh ahin kho sahding hijongleh, apam pot seh leh, thangvahna "asher yatzar" asei ngai ahi. Chuma banga chu, mikhat chun junthah hah satna aneiya, a junthah nop nadinga, lou (medicine) aneh a, vei tampi ajun ahin thah ding hijongleh, athah seh leh, thangvahna "asher yatzar" asei ngai ahi. Ahin, eh thah nop nadinga, lou (medicine) nepa chun, alou neh akonna, a eh akho chu agim nei behseh a, athah jou teng jongleh, thah kit nomna anei jing a, avella chomkhat jouteng leh ahin thah kit ding akihet jing aleh vang, thangvahna "asher yatzar" chu, aphat seh a, a eh athah jou sehleh asei got louding, athah chim mong mong, akihet teng lebou, abon adinga, khatvei thangvahna "asher yatzar" aseiding ahi. Hijeng jongleh, kah kah tengleh, nikho avod (cold) val jeh a, mikhat chun jun athah teng leh, thah kit nomna anei jinga, avella ahin thah kitding he jongleh, hichu a phat (avod) chun, amipa chunga jun thah nomna ahin pohlut peh ahitan, hiche dinmun a hi, ajun athah chai sehleh, thangvahna "asher yatzar" asei ngai ahi.
4. Mikhat chun, thil athah (hot/kharif) khat adon a, hiche adon chun, vei tampi eh thah nading ahin pohlut peh ajongleh, a eh athah chai seh leh, thangvahna "asher yatzar" asei ngai ahi.
5. Damlou, junthah hah satna neikhat in, kak kah tengleh genthei tah a, hahsatna (pain) thoh puma, jun mal khat bou, hin thadoh jongleh, jun leh eh thahdoh jou thangvahna "asher yatzar" asei ngai ahi.
6. Mikhat chu, ajun soh hih jongleh, ajun check (bedikath se'ten) nadinga, jun thamkhat aga thah doh a ahileh, thangvahna "asher yatzar" asei ngai ahi.
7. Mikhat chun jun athah a, jun khel a thisan (blood) athah doh khah a ahileh, khankhat seidanna, hichu sign (siman) hoilou ahijeh a, thangvahna "asher yatzar" asei louding ahi, atiuve.
8. Mikhat chun, pipe mangcha a jun athah (tidan chu ajun thah natoh pipe kibul), hichu glass ahilouleh plastic bag sunga longlut, athah jou akihet sehleh thangvahna "asher yatzar" asei ngai ahi. Athah jou lam ahet louva jongleh, pipe akonna ajun lonlhah, ataan (stop) amu tengleh, thangvahna "asher yatzar" asei ding ahi. Ahin, ahet ngai chu, thangvahna asei thei nadinga, avon ki ah chu, atheng leh anamse hilou, ahi ding ngai ahi.
9. Mikhat chun thei (fruit), kazayith (27grm) lhing, minute 7 (akhilath pras) sunga aneh doh ham, ahilouleh, adangchah jeh a, twi (water) reviit (86grm) lhing, khatvei don a, adon a leh, thangvahna "bore nefashoth" asei ngai ahitan, thangvahna asei masanga ajun aga thah khah a ahileh, jun ahilouleh eh thah jou thangvahna "asher yatzar" chu asei masat ding, chujou tengleh, thangvahna "bore nefashoth" aseiding ahi. Chukeu chu hilouva, mikhat chun jun athah a, jun leh eh thah jou thangvahna "asher yatzar" seiding aheimil khah a chujouva, neh leh don, thangvahna "bore nefashoth" sei ngai jat, aneh ahilouleh adon doh a jongleh, thangvahna "asher yatzar" asei masat ding, chujouleh thangvahna " bore nefashoth" aseiding ahi. Hinlah, mikhat chun seudah sunga (lekhem jaona), jun ahilouleh eh aga thah khah a ahilevang, thangvahna "birkhath hamazon" asei masat joh ding, chujou teng lebou, thangvahna "asher yatzar" aseiding ahi. Hijeng jongleh, "birkhath hamazon" seijou tengleh, thangvahna "asher yatzar" seiding chu, ahin heimil khah ding, ginmona anei alevang, thangvahna "asher yatzar" chu "birkhat hamazon" sei masanga, asei ding ahi. Chuleh, cake, biscuit ahilouleh, nehjou thangvahna "mein shalosh" sei ngai, agam ga ho, mikhat in aneh a, chujouva ajun aga thah a ahileh, poskim atamjo dung juiya, thangvahna "mein shalosh" hi torah akonna ahi, ati jeh uva, thangvahna "mein shalosh" asei masat ding, chujouleh thangvahna "asher yatzar" aseiding ahi.
Thudohna leh donbutna:- Hilkhoth tefilin
Thudohna 1:- Puldou khat chun, tefilin avei ngai ham?
Donbutna:- Puldou khat chun, thi luong kivui ni, thi luong kivui jou hijongleh, hiche nikho achu, tefilin avei louding ahi. Ajing nikho (a puldou 2nd day ni) nisa so (netz hakhama) jou apatna, tefilin aveithei ahitai. (Halikhoth olam, khelek 1, hilkhoth tefilin, halakha 4, page 30)
Thudohna 2:- Mikhat chun, tefilin akhutna konna kheh sah taleh, ann angol ngai dem?
Donbutna:- Mikhat chun, tefilin akhutna konna a, akhah sah a ahileh, nikhat ann angol ngai ahi. Hijeng jongleh, amapa chu Torah hetna neimi (talmid khakham) ahi a, ahilouvaleh chapang ho Torah hilmi ahi a, ann angol aleh, a torah jil, alhom ding ahi aleh, ann a ngol ding chu, paisa (sum) a kilhat dohna aneiya, charity a apeh ding ahi. (Halikhoth olam, khelek 1, hilkhoth tefilin, halakha 5, page 31)
Comments