Gideon Haokip
10. Mikhat chun jun athah a, avella jun thah kitding lunggel ima anei louva, thangvahna "asher yatzar" asei masanga, avella ajun hung soh kitna, aga thah kitna leh, rishonin ho leh maran shulkhan arukh dung juiya, jun thah jou thangvahna "asher yatzar" chu nivei aseiding (thangvahna masapa chu, jun thah amasapa ading, anina pa chu jun thah anina ading) ahi. Ahin, akhronim tamtah in hiche halakha kisei chu apom pouvin, hijeh achu thangvahna "asher yatzar" chu nivei hilouva, ani ading tokop ma khatvei bou aseiding ahi. Khankhat in asei danna, thangvahna "asher yatzar" asei petna chu, ajun thah amasapa ading bouva lunggel aneiya, ajun thah anina pa hoptha dinga lunggel ima anei louva leh, avella anina pa adinga thangvahna "asher yatzar" asei kit thei ahi in, ima gel louva thangvahna "asher yatzar" amoh sei aleh vang, avella asei kit thei louding ahi, tin asei uve. Ahin, ipi lunggel nei jongleh, halakha ahi aleh, thangvahna "asher yatzar" chu, khatvei bou ani lhon adinga sei ding ahi. (safek berakhoth lehakel)
11. Mikhat chun jun athah a, jun thah jou thangvahna "asher yatzar" seiding aheimil a, phat chom khat (ajun thah jouva patna 72 minutes lhing nailou) jouva ajun, hung soh kitna chuleh thangvahna "asher yatzar" aseilou chu ahin geldoh aleh, khankhat in aseidan a hiche dinmun a hi, jun athah kit masanga, ajun thah masapa a aseilou thangvahna "asher yatzar" chu aseidoh ding, chujou tengleh, jun athah a, avella thangvahna "asher yatzar" aseiding ahi, atiuve. Khankhat seidan avang, jun athah ding konna, ajun thah na amasapa a thangvahna "asher yatzar" aseilou hingel doh jongleh, thangvahna sei louva, jun akithah a, ani lhon ading a, jun athah jou tengleh, thangvahna "asher yatzar" khatvei bou aseiding ahi, atiuve. (Halakha ahi aleh ngeidan anina pa ahi.)
12. Mikhat chun jun ahilouleh eh aga thah a, latrine akonna ahung potdoh aleh, khutsil nading twi (water) aumlou jeh a, akhut chu kisuh theng nathei thil khat pouva, akisuh theng ajong leh, jun ahilouleh eh thah jou thangvahna "asher yatzar" chu ding ngai ahi. Ahin, ahet ngai chu akhutna thil nen (dirt) neokhat jong, aumlou ahi ngai ahi.
13. Mikhat chun jun ahilouleh eh athah a, jun ahilouleh eh thah jouva kisei thangvahna "asher yatzar" asei aseilou ahet chet louva leh, hiche thangvahna chu H-shem mintheng jao pum a, aseithei louding ahi (safek berakhoth lehakel). Ahin, thangvahna chu seithei hih jongleh, Sidur akonna vet pum hijongleh, alung sunga aseithei ahi.
14. Mikhat chun jun ahilouleh eh athah a, chujouva thangvahna "asher yatzar" chu alung sunga anasei khah a ahileh, athilbol chu ahoi ahilou vanga, avella thangvahna "asher yatzar" chu akam a athah seikit theilou ding ahitai. Hiche petna chu, jun ahilouleh eh thah a, thangvahna "asher yatzar" sei ngai mikhat akom a aum aleh, amapa kom a, thangvahna "asher yatzar" ahisei tengleh, ama jong ahin hoptha dinga angeh ding, ama in jong, khatpa thangvahna seina akonna kihuhdoh ding lunggel aneiya, hitia chu kinel jouse (lunggel a kisei chu kam a kisei toh akibang poi tia seiho dung juiya/ hirhur lav kedibur dami) akonna, pam petding ahi.
15. Thangvahna "asher yatzar" seikhat chun, "Barukh atah…………asher yatzar" tia asei pet don laitah a, kadish ahilouleh kedushah kisei ajah a ahileh, thangvahna aseikim don laitah hijongleh, athangvahna sei chu akho ngai a, keriath shema thangvahna sei petna, kadish ahilouleh kedushah kisei akijah a, akidonbut ngai banga, adonbut ding ahi. Kadish a chu "Amen" a nga (5) na chan bou adonbut ding chuleh, "yehe shemeh rabah" jong "yithbarakh" chan bou adonbut ding ahi. Kedushah chu, "Kadosh, Kadosh…." leh "Barukh kevod…." teni bou adonbut ding ahi. Ahin "asher yatzar" thangvahna khumkha na "Barukh atah H-shem" tia asei pet don laitah, "rofe kol basar…" tia asei masanga, kadish ahilouleh kedushah kisei ajah alevang, adonbut thei louding ahi.
16. Onen (tichu ainsung mi pul adou ngai khat thi, athi luong kivui masang sungse) khat chun, jun ahilouleh eh athah aleh, thangvahna "asher yatzar" asei ngailou vanga, akhut vang akisil ngai ahi. Ajun ahilouleh a eh athah jouva patna, minute 72 lhin masanga, thi luong chu kivui chai man hijongleh, thangvahna "asher yatzar" asei theilou ding ahi. (safek berakhoth lehakel)(Note:- Thi luong kivui jou apatna, ama chu "avel" akiti tan, thangvahna ho jouse asei ngai ahi tai. Hijeh achu, anjou khat leh, apam pot jouva patna chu, minute 72 anapel nailou jeh achu, thangvahna "asher yatzar" chu, aseithei nahlai ding ahi tia, lunggel kinei mei thei, ahin kinelna aum jeh a, safek berakhoth lehakel, thangvahna "asher yatzar" chu, aseithei louding ahi.)
Comments