top of page
  • shivteimenashe

TORAH ISRAEL FATE NIHNA (mizo)



בס"ד

By Rav Gurion Sela


Vawikhat Rabbi ho conference ah hian Rabbi lian pakhat hian " Torah zir pawimawh zia leh Torah hi kan tan nunna ani a, mihring pawh oxygen tello in kan nung theilo ang tho hian Torah tello in kan nung thei lo" tiin tang leh thahnem ngai em em mai in Torah zir pawimawhna leh hlutna uar takin a sawi a.

A thusawi zawh hun nghakhlel tak maiin Rabbi Baruch Beer hian a lo thlir vawng vawng a, a thusawi chu sawi zo thuai thuai se tiin a dawhtheihna in a tlin lo tep tep a. Chu Rabbi chuan thu a sawi zawh veleh chuan Rabbi Baruch Beer chu rawn dingchhuak nghal vat in mipui hma ah chuan " Vawinni a hetiang a rapthlak tak mai a Torah tihbawrbanna awm hi thil tha lo tak mai ani !!, chuvang chuan hetiang a Torah tibawrhbanna tur a thusawi hi ka ngawihbo pui thei hauh lo mai !!" tiin a hma chiah a thusawi chu a rawn dem nasa hle mai a.

Mipui te chuan enge a thusawi awmzia hre lovin mak tiin an ka ho a. Ahma chiah a Rabbi khan Torah zir pawimawh zia leh Torah hi kan nunna ani tiin a sawi a ni si a. Torah dona leh tihbawrhbanna thil engmah a sawi an hre si lo a. Mak anti tlang hle a.

Nimahsela Rabbi Baruch Beer chuan heti hian a sawi a " Oxygen chauh hi mihring nunna innghahna ani lo a, nun theihna tur chuan ei leh in a that te angai a, silh leh fen te angai a, thil tam tak nunna in a mamawh a awm a. Oxygen chauh hi kan nunna a ni lo. Chuvang chuan Israel faten Torah kan mamawhna hi Oxygen mihring in a mawmawh anga khaikhin hi chu ka pawm hauh lo mai. Torah hi Oxygen nen khaikhin theih ani lo !!. Torah hi kan nunna atan a Oxygen ani lo a. Chu ai chuan Torah hi kan nihphung, kan nihna zawk ani !!" tiin Torah zir leh Torah nunpui a pawimawh zia chu sawifiahna a nei a. Torah chu a ril zia leh a thuk zia , Israel nen kan inzawmna chu thil hlawm khat, lakhran theih loh kannih zia hmang in a rawn hrilhfiahna ta zawk ani.

Chuvang chuan Torah chu Israel fate nihphung ani a, Israel fate nen a inzawm tlat lakhran theih loh leh thliarhran theih loh ani a. In mamawh tawn leh pakhat zawk chu a pahnihna innghahchhan leh inrintawnna nei anni a.

Chumai nilovin kan Torah mithiam te chuan "Oraita, Kudsha Berikh hu, Am Israel khad hem" tiin an sawi a - Torah leh Pathian leh Israel te chu hlawm khat anni tiin.

23 views0 comments

Recent Posts

See All

Comments

Rated 0 out of 5 stars.
No ratings yet

Add a rating
bottom of page