top of page
  • shivteimenashe

Yalkut Yosef

“DINEI NETILATH YADAYIM SHAKHARITH

JINGKAH THODOH KHUT SILNA DAAN

Shulkhan Arukh - Yalkut Yosef- Chapter 4 - By Gideon Haokip




91. Mirpeseth a refrigerator um, neh leh chah refrigerator a gakoilut nadinga, bath-room leh latrine kigom khom, jot pa ngai, hiche dinmun a hi, mikhat chun, neh leh chah ho refrigerator a aga koilut nom aleh, bath-room leh latrine kigom khom jotpa ding hijong leh, phal ahi. Ajeh chu, bath-room leh latrine kigom khom chu, kisilna leh, jun leh eh thah na bouva, kimang keu hita louva, mirpeseth leh room dang kikah a, che le na a jong, akiman tah jeh a, ngai chat na inei tengleh, paltan na a, manthei ahi.

92. Japi kisil na mun (beith-hamer’khatz) a mikhat chu, adang chah tahen lang, twi (water) don nom taleh, don masanga thangvahna chu, alung sunga, aseiding hijongleh, hithei lou ahi. Kisil namun keu hilouva, von ki ah namun a jong, torah thu gelding phal ahivang a, thangvahna seiding chungchang ahi aleh, mi aumho lah a, khan khat, von ah louva, aum uva leh, thangvahna chu, alung sunga aseiding hijongleh, hithei lou ahi. Hijeh achu, twi donna thangvahna asei thei nading a, von aki ah jouteng leh, pam langa gapotdoh ding, thangvahna asei a, adonding ahi. Khankhat in, japi kisilna mun (beith-hamerkhatz) sunga twi adon thei nadinga, alut masang leh, mithai (sweets) chung ham khatna, thangvahna asei a, chujouleh aneh a, hiche thangvahna asei chu, kisil namun sunga twi adon ding ho jouse jong, ahoptha sah, hitia bol jong chun, kingap nading anei uvin ahi.

93. Mikveh munna kide na room, mi atamjo, von ah louva aum na room a chu Torah thu sei phallou keu hilouva, Torah thu ilung sunga gelding jong, phallou ahi. Hilai munna chu, koima um hih jongleh, amun chu mun thenglou ahita jeh a, ichang a ium petna jong, Torah thu gel phallou ahi. Hilai mun (kide namun) chu, latrine toh adinmun, kibang ahi. Torah thu seiding leh gelding, phallou ahivang a, thu dang (divrei khol-Torah thu hilou) ho seiding vang, pao theng (lashon-hakodesh) a kihoulim ding hijongleh, phal ahi.

94. Mikve munna kide na room, mi atamjo, von ah louva aum na room a chu, iloi dang khat, “SHALOM” tia gah houpi ding, phallou ahi. Ajehchu, “SHALOM” kiti thuchang hi, H-shem mintheng khat ahi, hitia Torah pasuk a akisei ma banga, “Amapa chun H-shem chu, shalom tin, akouvin ahi” (vayi’kra lo, H-shem, Shalom). Hijeng jongleh, iloi khat chu, amin (name) shalom ahi alevang, japi kisil namun (beith-hamer’khatz) sung hijong leh, amin a kouding, phal ahi. Vetsahna (sign) a gah houpi ding, angai khel pon ahi. Chuleh, iloi pa min chu, Ovadiyah ahilouleh, Azariyah hijongleh, japi kisil namun sunga, kouding ima aboi poi. (Ovadiyah leh Azariyah min teni a hi, H-shem mintheng um ahi.)

95. Mikveh munna kide na room, mi atamjo, von ah louva aum na room a chu, Torah thu seiding leh gelding, phallou ahivang a, ngaichat inei tengleh, mitzvah chung chang, tekahna a, Charity (tzedekah) chung chang, gah gelding, phal ahi.

96. Tzafat a, Ari Ha-Kadosh mikveh hi, aphat seh a, atwi (water) votjing (cold) chuleh atwi amacham a, kikhel jing, ahijeh a, amun a chu, akeng (naked) a um, mi aumlou phot aleh, tehelim simding hihen, thangvahna seiding hijongleh, phal ahi. Ajehchu, atwi chu aphatseh a, votjing ahijeh a, amun chu, japi kisilna mun (beith-hamer’khatz) thiltheng gel phallou namun, tabanga kisim lou ahi. Chuleh twi vot (cold) umna mun, vadung jouse jong, Ari Ha-Kadosh mikveh toh, adinmun u, kibang ahi. Hilai mun ho achu, mikhat chun thangvahna, asei nom a, ahin, von ki ah lou (naked) mi, aum aleh, amai chu, mundang khatna, ahei doh a, thangvahna aseithei ahi. Mikhat chun, Ari Ha-Kadosh mikveh mun, aga phah a, ama vang, mikveh a kide louva, ahung potdoh aleh, khut akisil ngai poi. Ahin, mikveh a, akide levang, atwi chu vot jongleh, atahsa kisel laiho chu, atham khah tei ding, hetsa ahijeh a, ahung potdoh tengleh, khut akisil ngai ahi. Mikveh dang, atwi lum (warm) ho ahilevang, amun achu, von ki ah lou mi, umlou hijongleh, thangvahna seiding hihen, tehilim simding hijongleh, phallou ahi.

97. Japi kisil namun ham, ahilouleh, bath-room ham a, gakisil khat chun, ahung potdoh tengleh, khut asil ngai ahi. Ahin, hiche khutsil hi, latrine akonna hungpot doh na a, khut thum vei, kisil tabang hilouva, khatvei bou, asil ajongleh, hithei ahi. Chuleh, twi pipe (berez) a, khon jao louva, asil a jongleh, hithei ahi. Hiti mabanga, mikveh a ga kide khat in jong, abol thei ahi.

98. Mikhat chu, japi kisil namun (beith-hamer’khatz) ahilouleh, mikveh mun ham khatna, kisil ding louva, thildang khat, la dinga agalut aleh, daan dung juiya, ahung potdoh tengleh, khut akisil ngai pon ahi. Ngai lou hijongleh, khut akisil a leh, vangbohna, amuding ahi. Bath-room, latrine toh kigom khom lou sunga, thil la dinga, agalut ahi levang, khutsil na chung changa, strict nading jong, aum pon ahi. (tidan chu, pum sil a, sil ngailou)

99. Mikhat chun, akhut lang khat bou, latrine sunga sohlut taleh, akhut asolut nalang bou seh chu, asilding, alang ni a, asil ngai pon ahi.

100. Mikhat chu, japi kisil namun (beith-hamer’khatz) akon a, kisil jouva hung potdoh ham, ahilouleh, tin atan jou ham a, kadish ahilouleh kedushah kisei ajah a ahileh, akhut sil nai hih jongleh, mipi toh adonbut khom ding, ngai ahi. Chuleh, aloi dang thangvahna sei, ajah ajongleh, “amen” tia adonbut ding, ngai ahi. Hiche ho chungchang hi, inasei tauvin, jingkah khutsil masang ham, ahilouleh, jun leh eh thah jouva, khutsil masang ham a, mikhat chun, kadish ahilouleh kedushah kisei, ajah a ahileh, akhut chu, avon ham khatna, akitheh a, adonbut ding ahi.


41 views0 comments

Recent Posts

See All

Comments

Rated 0 out of 5 stars.
No ratings yet

Add a rating
bottom of page