top of page
  • shivteimenashe

Yalkut Yosef



GIDEON HAOKIP

Hilkhoth tzitzith/Seder atifath tzitzith- Tzitzith daan leh asilding daan daan, Shulkhan arukh, yalkut-yosef, siman (chapter):- 8


7. H-shem in athupeh (mitzvoth) ho geldoh nadingleh suhbulhit nadinga, tzitzith mitzvah eipeh ahi tia, mikhat chun tzitzith asil masang leh, agelding ahi. Gel louva tzitzith asil aleh, a mitzvah bol chu, pan nabeiya mi bol man a bol toh, kilou ahi in chuleh, a tzitzith sil jong chu, tzitzith silding thupeh asuh bulhith leh asuh bulhith lou, poskim ho kinelna aum in ahi.

8. Mikhat chun tzitzith sil masanga, chunga kisei gelding ho gel louva, mitzvah adinga kabol ahi ti bou agel a tzitzith asil aleh, ahoipen ahilou vanga, tzizith silding thupeh asuh bulhit in ahi. Mitzvah adinga kabol ahi ti jong gel louva, asil ajongleh khankhat in aseidanna a, a tzitzith sildan akonna mitzvah adinga abol ahi akitah langdoh aleh, tzitzith silding thupeh asuh bulhit e, tin asei uvin, a ipi chu hileh, asil jou nung hijongleh, chunga kisei gel ding ho chu, gel go hen.

9. Khankhat in, tzitzith silding thupeh (mitzvah) suh bulhith na lunggel, ahiding banga nei thei nadinga, tzitzith silna thangvahna "lehith atef be-tzitzith" sei masangleh, chondanna "leshem yekhud" asei jiuvin ahi. Khankhat in vang, tzitzith sil nadinga thangvahna chu, kavana (kavana kiti chu athucheng kisei ho het ngai tina) nei pum a isei aleh, a mitzvah suh bulhith na lunggel, neithei nadinga aphaset ahitan, "leshem yekhud" sei khel angai poi atiuvin ahi. Hiche "leshem yekhud" kisei chun mikhat chu, mitzvah bolna dinga lunggel nei theina, ahin peh be thei ding ahi aleh, asei ding chu thilpha leh thil hoi ahi. (Ahin ahet ngai chu, japi a taona man achan ding ahi levang, asei got louding ahi.)

10. Tzitzith silna thangvahna "lehith atef be-tzitzith" sei masanga, hiche "leshem yekhud" sei khat chun, a sunga " she tzivanu Hakadosh barukh hu lehith atef be-tzitzith kedei shenizkor kol mitzvothav la-asotam ( H-shem in athupeh ho geldoh nadingleh suh bulhit nadinga, tzitzith mitzvah boldinga ei thupeh u ahi) " ti thucheng hohi abelap ding, thilpha ahi.

11. Miching mithiem (khazal) hon asei nauva, koi hileh H-shem mintheng (tidan chu, "yud-kei-vav-kei", "kei" chu "hei" tina ahi in, sei phallou ahijeh a "kei" a kan jih ahi) seidoh achun, ahung lhung ding leiset (haolam haba) a chanvou anei poi, atiuve. Hijeh a chu "leshem yekhud" sei khat chun, asunga H-shem mintheng chu, "yud-kei-vav-kei" tia aseiding, "kei" chu "hei" a aseigot louding ahi.

12. Mikhat chu kidah namun (tekahna a jail sung tabang) a aum aleh, hilai munho a chu, thangvahna aseiding phallou ahi. Hijeh a chu amapa adinga, thangvahna sei puma mitzvah suh bulhith nathei lampi, aum thei loujeh a, tzitzith mitzvah chu thangvahna seilouva, akisil ding ahi.

13. Talith gadol silna thangvahna nusakh chu ahi aleh "asher kideshanu bemitzvothav ve-tzivanu lehith atef be-tzitzith" ahi. (Talith katan chung thangvahna ahi aleh, siman 16 ilhun teng uleh, isei dingu ahi.)

14. Mikhat chun hetkhel jeh a, talith gadol chunga thangvahna "lehith atef be-tzitzith" tia seiding khel a, "al mitzvah tzitzith" ahilouva leh, "lehith labesh be-tzitzith" tia asei khah ahi aleh, ahoipen ahilou vanga, thangvahna seiding asuh bulhith in ahi.

15. Eiho chondanna talith gadol chunga thangvahna chu, "lehith atef ba-tzitzith" hilouva "lehith atef be-tzitzith" ti joh in isei un ahi. Ahin, iti ham khatna mikhat chun hetkhel jeh a, "lehith atef be-tzitzith" tiding khel a, "lehith atef ba-tzitzith" tia anasei khah a, akhel man louva jongleh, thangvahna seiding asuh bulhith in, avella athah seikit ding, angai poi.

16. Talith gadol sil nadinga thangvahna chu, din puma seiding, chuleh asilna jong chu, din puma bolding ahi.

17. Mikhat chun hetkhel jeh a, talith gadol sil nadinga thangvahna chu, tou puma anasei khah ahi aleh, thangvahna seiding asuh bulhith in ahi, chuleh mikhat chun hetkhel jeh a, talith chu tou puma anasil khah ahi a jongleh, ahoipen ahilou vanga (bediavad), talith silding mitzvah asuh bulhith in ahi.


Thudohna leh donbutna:- Hilkhoth shaliakh tzibur

Thudohna 1:- Koi tabang chu, khazan a pan sah ding ham?

Donbutna:- Ahoipenna, khazan a pang ding khat chu, jinei hiding chuleh akum jong kum 30 chunglam hiding ahi. Ahin, iti ham khatna imasang uva, bakhur yeshiva (torah jil), H-shem ginna neimi khat, torah bou boipi, khazan jong ahiding banga abolthei, ahin amavang kum 30 noilam hi, hijeng jongleh jinei khat, kum 30 chunglam hijongleh amipa chu torah jil lou, moh moh mi ahi aleh, bakhur yeshiva pa joh chu, khazan adinga deilhen um joh ahi. Chuleh sofar mut ding jong chu, H-shem ginna neimi leh torah jilmi, ahiding pan lah got ngai ahi. ( Khazon ovadiyah, yamim norayim, hilkhoth shaliakh tzibur, halakha 2, page 34&35)

(Hetdinga poimo: Mijouse koi hileh bank account nei, bank a sum nei ahilouleh midang asum bat sah ho jouse koma hetsah chu, shemitah kum akichai tengleh isum u bank akonna inung kilahdoh kit thei nadiu chuleh midang, sum ina bat sah ho, eima a ahidan thei nadinga, Rosh hasahna masang a, "PROZBUL" kibol doh ding ngai ahi in, hijeh a chu, ahithei aleh, tu ahung lhungding hapta sunga, ikibol doh diuvin, kahin hetsah e. Shabath Shalom.)

28 views0 comments

Recent Posts

See All

Komentáře

Hodnoceno 0 z 5 hvězdiček.
Zatím žádné hodnocení

Přidejte hodnocení
bottom of page