top of page
  • shivteimenashe

Yalkut Yosef (Eipao)

Gideon Haokip




KAVANATH HABERA’KHOTH-THANGVAHNA CHUNG CHANG A KAVANA DAAN

SHULKHAN-ARUKH, YALKUT-YOSEF, SIMAN (CHAPTER): 5

(Hetding chu, halakha a H-shem mintheng hohi, eiho adinga halakha hetchet nading bouva, kahin sut ahi in, isim teng uleh, oging louva sim gotding, oging a isim khah uva leh, torah a kisei “kamintheng namoh sei louding ahi” ti thupeh, kipal keh thei ahi.)

1. Thangvahna isei tengleh, athuchang ho, ipi kiseina ahi, het ngai ahi. Chuleh, H-shem mintheng isei tengleh, thil jouse chunga vaihom (adon hakol) ahina gelding, achesa hihen, apetna hihen, chuleh, ahung lhung ding hileh, phat jouse a, ama aum jinge tijong, het ngai ahi. Elo-keinu ti thucheng, akisei tengleh, ama chu eiho adinga, iP-then pau ahi ti gelding, chuleh, thiljouse chunga, thanei pen ahi tijong, gelding ahi. Khankhat seidanna, hiche kisei jouse hi, thangvahna (berakhoth) a H-shem mintheng ho, isei tengleh gelding tina ahi bouvin, torah pasuk (chang/verse) ho a, H-shem mintheng seina a vang, gelkhel angai poi, tin asei uvin, khankhat seidanna vang, hoilai hileh, H-shem mintheng min phah najouse a, gel ngai ahi, ati uve. Ahoipenna, ngei dan anina tabanga, H-shem mintheng minphah najouse a, chunga kisei ho, gel gotding, adeh setna, taona (Amidah) a thangvahna masapen (birkhath-avoth) chung leh, keriath shema chunga, H-shem mintheng kiseina ho a, gel gotding ahi.

2. Abangkhat seidanna, chunga kisei gelding jouse chu, thangvahna a H-shem (A-donai) mintheng iseipet tengleh bou, gelding ahi ati uvin, khankhat seidanna vang, thangvahna a H-shem (A-donai) mintheng isei masang ham, ahilouleh H-shem mintheng iseijou teng hijongleh, abanna thucheng isei nailou phot ahi aleh, gelthei nah lai ahi, ati uve. (Halakha ahi aleh, ngeidan anina pa ahi)

3. Mikhat chun, H-shem mintheng sei sehleh, chunga kisei ho phat seh a gelding sanga, jingkah teng leh, condition khatvei asep, tidanchu, H-shem (A-donai) mintheng kasei tengleh, hiti hiti, kagelna ahi, tia asei aleh, nikhat sung se a, anganse thei ahi tin, khankhat in aseiye. Ahoipenna, ahithei channa, H-shem mintheng isei sehleh, chungsa kisei ho chu, gel gotding, adeh setna, keriath shema, torah akonna thupeh (mitzvah) ahijeh a, gel got ngai ahi. Hijeng jongleh, chunga kisei, H-shem mintheng isei sehleh gelding ho jouse chung chang hi, gemara a akimu lou jeh a, jingkah a condition khatvei isep aleh, nikhat sung se a, aki nganse thei e, tia sei ho chu, kingapna a neithei ahi. Ahin, keriath shema leh taona (Amidah) a thangvahna masapen (birkhath avoth) pa a vang, H-shem mintheng isei tengleh, chunga kisei ho chu, gel gotding ahi.

4. Thanvahna isei tengleh, chihthei ngai chu, kino louva sei gotding, thuchang jouse seilhing soh keiding chuleh, kipah tah a, sei gotding ahi.

5. Thangvahna jouse a, H-shem mintheng isei tengleh, ahiding bang chatna sei gotding, seikhel akonna thil (meaning) dang, so doh sah got louding.

6. Sefardi khatna in H-shem mintheng aseiteng leh A-donai tia aseiding, askenazi hon, H-shem mintheng a “nai” khel a “noi” tin asei uvin, poskim akhronim ho akonna akimu dan a, eiho sefardi te seidan joh, adih in, hijeh achu, sefardi khat in, askenazi te tabang a asei aleh, apu apa teu chondan musitna anei ahi in, pasuk a kisei “ na nu torah akonna pampet hih in” (al ti’tosh Torath ime’kha) kiti thupeh kisun chu, apalkeh ahi.

7. Abangkhat in chondanna, mitzvah bol masang ahilouleh, torah jil masang leh, “leshem yekhud” asei ji uvin ahi. Ha gaon Hanoda Be Yehudah in, hiche chondan kibol hi, pha asa beh seh pon, hijeng jongleh, mikhat chun, hiche asei a akonna, a mitzvah bol na a, lunglutna ahin peh be thei dinga leh, mitzvah bol masang seh leh, aseiding thil pha ahi. Amitakip a akingam in, mikhat chun, hiche “leshem yekhud” hi sei hih jongleh, mitzvah bol nadinga thangvahna (brakha) asei akonna, kavahna anei thei aleh, “leshem yakhud” aseiding, angai poi. Ahin, mikhat chun, hiche “leshem yekhud” asei akonna, amitzvah bol na a, lunglutna leh thanopna, ahin nei thei ding aleh, ipi ,mitzvah hileh, abol masang seh leh, aseiding deisah ahi.

8. Miching mithem (khazal) hon hitin asei uve, “ koi hileh H-shem mintheng (yud, kei…….) ahi banga seidoh achun, Ha-olam haba a, chanvou anei pon ahi.” Mekubalim ho leh poskim hon, asei nauva, H-shem mintheng, athucheng achang achanga, seidoh jong chu, chanvou neilou dingho lah a, jao ahi, ati uve. Hijeh achu, taona man masangleh mitzvah bol masanga kisei ji “leshem yekhud” isei tengleh, H-shem mintheng, Yud Kei Vav Kei tijoh a seiding, “Kei” chu “hei” a, seigot louding ahi. Chuleh, jingkah shakharith a korbanoth jouva “abaye havah” isei teng jongleh, “abaye leh havah kikah a, gap neokhat lah gotding, sim khom got louding ahi.

43 views0 comments

Recent Posts

See All

Comments

Rated 0 out of 5 stars.
No ratings yet

Add a rating
bottom of page